THE SA-FONOTI OF LOTOFAGA: THE LINE AND DESCENDANTS OF KING FONOTI TUPU TAFA’IFA OF SAMOA.

FONOTI MATA’UTIA IOANE BROWN: SA-FONOTI O LOTOFAGA MA LE AIGA PA’IA O SA-LEVALASI I LOTOFAGA ATUA.

TOFIGA OLE MALO A FONOTI LE TUPU TAFA’IFA O SAMOA

1. FA’ALUPEGA AOAO O SAMOA: Tumua ma Pule, Itu’au ma Alataua, Aiga ile Tai, ma le Va’a o Fonoti.
2. TE’O: O oe o le Anava o Taua, Ma lou Manu Samoa.
3. FIA’AITAGATA: O au Suafa ia o Fatialofa, ma Auelua. O le a fai i la’ua ma Tulauniu o Atua, Punefu o Atua, To’oto’o o le Tuiatua.
4. MATA’UTIA: O le Va’a o Fonoti, O le Malu o Ma’auga – Leulumoega, ma Lalogafu’afu’a, Lufilufi. Fea, o le Va’a o Fonoti, O fea fo’i e Fa’aopea ia Atua le Fauono.
5. MOLIO’O: O oe o le Va’a o Fonoti, O oe o le To’o o le Fua.
6. LEUTELE; (Falefa), O oe o le A’ai o le Tupu o Fonoti. Falefa (District); Sanone, Gagaemalae, Saleapaga, Sagapolu, Falevao, Sauago, Saletele, Uafato.
7. TOFAEONO: E Ono Pou o Lufilufi, Fitu ia te oe. E Iva Pou o Leulumoega, Sefulu ia te oe. E Fitu Pou o le Malietoa, Valu ia te oe. E Tolu Pou o Satunumafono, Fa ia te oe.
8. O LE VA’A O FONOTI: Samamea, Ma’asina, Lona, Taelefaga, Salimu ma Ma’auga, Musumusu, Falefa, Sanone, Gagaemalae, Saleapaga, Sagapolu, Falevao, Sauago, Saletele, Uafato, Lalomauga, Manunu, Faleapuna, Lufilufi, Saluafata, Fusi, Salelesi Safanua, Fagaloa, Solosolo, Luatuanu’u.
9. TUMUA O ASIATA: Ole a Falefa Tumua ia te oe (Sa’iliga Malo o Asiata ia Fonoti).

10. MAVAEGA A FONOTI LE TUPU MA LONA USO O TOLE’AFOA:
Na iloa atu e tumua ua afio atu Tole’afoa, ona fai atu lea, afio mai i le Maota e te lua talatala ma le Tupu. Tali Tole’afoa, leai oute ava i tumua, ua lava a’u i lalo o le ulu lea. Ae sa augani atu lona aiga ma Tumua, afio ane ia i le maota. Na faofale loa Tole’afoa ma sa fa’aalia lava lona fa’aaloalo ia Fonoti, ua fa’ae’e o ia i le pou pepe o leisi tala o le Maota i Mulinu’u ma Sepolata’emo.

Ona agiagi atu ai lea o le Tupu Fonoti e fa’apea: Tole’afoa e, afio mai o le a totofi a ta mea, au’a le nofo lelei ai o lau fanau ma la’u fanau i le lumana’i. OLE AO OLE TONUMAIPE’A OLE A IA TE OE MA LAU FANAU. O le a e saofia le Aumaga, o le mea lea e ta’ua ai le aumaga e pa’ia. Ona ole Ao o Tonumaipe’a ua i ai. E te afio i le fala, Na’o oe lava e te nofo i le fala i fafo, E sa seisi o le aumaga e nofo ise fala. A uma ona mama o le ava, e tu lava le tagata i luga ma lana maga’ava ma tu’u i le tanoa, a’o lau maga e tu mai se tasi na te avatua, ona aumai lea o le tanoa tu i ou luma. A leai se Tupu e alagaina e Tumua, O le a e Tuia’ana Ave’aumalaga! 0 le a fa’asino fo’i ia te oe upu o le aualuma. O lou aualuma o le a tausi e Leulumoega ma e na ta i Fasito’otai ma Fasito’outa.

O PAPA E FA, O LE A IA TE A’U MA LA’U FANAU. A e toe tago mai i a’u mea, ole a sauaina oe i le aufuefue ma soloa i le vailalo ma lau fanau. A ou tago atu i au mea ia fa’apea fo’i ona soloa a’u i le aufuefue ma tafea i le vailalo ma la’u fanau.

11. O le mavaega lea nai i Mulinu’u Lalogafu’afu’a ma Sepolata’emo i Lufilufi Atua, a le Tupu o Fonoti ma lona uso o Va’afusu’aga Tole’afoa. O lo’o tausi iai Samoa i lenei mavaega e o’o mai i le aso.

12. TOFIGA A MUAGUTUTI’A LE ATALI’I OLE TUPU O FONOTI:
Na ioe Tumua i le malelega a le Tupu e fa’apea: MUAGUTUTI’A: O le a e alu ma lou Muagututi’a, ma lou Fuatino, ma lou Faumuina, ma lou Melegalenu’u. E te nofo i Mulifusi. E te tua ia Sa-Tuala, ae tausi oe e Leulumoega.

MAOTA O SEUTATIA I MULINU’U LALOGAFU’AFU’A MA SEPOLATA’EMO I LUFILUFI O TUMUA ATUA, PO’O LE MALAE O TOFIGA OLE MALO A FONOTI LE TUPU TAFA’IFA O SAMOA

Maota o Seutatia i Mulinu'u Lalogafu'afu'a ma Sepolata'emo i Lufilufi o Tumua Atua

AFIOGA FONOTI MATA’UTIA IOANE BROWN O LOTOFAGA ATUA – AIGA PA’IA O SALEVALASI, MA LONA FALETUA O LUISA IEREMIA LMS MANULESA FS MATA’UTIA TUALA O SATAUA, LEALATELE, LEAUVA’A, AMOA I SAVAI’I MA UPOLU – AIGA SATUALA. AIGA E LUA O SAMOA: O LE AIGA PA’IA O SALEVALASI MA LE AIGA FA’ALAGILAGI O SATUALA. (Ua toe fetaia’i i i’u o gafa ia Salevalasi ma Satuala)

Fonoti Ioane Brown and Mrs Luisa Manulesa Fonoti Brown: 1950's

FALESEFULUOTUALAMASALA JUDITH BROWN, LILI’I SAE BROWN, FONOTI MATA’UTIA IOANE BROWN, LEMALU GALUSINA LUI BROWN, TUALA LE SA’OALII BROWN: NZ 1947

NZ. 1947. Falesefuluotualamasala Judith Fonoti Brown, Lili'i Sae Benedict Fonoti Brown, Fonoti Ioane Brown, Lemalu Galusina Lui Asalemo Fonoti Brown, Fonoti Tuala Le Sa'oalii Kamilo Brown

SAMALA’ULU OTILA FONOTI BROWN MA MRS MARGARET HUNT TAGALOAMAMANA INU TULO FONOTI BROWN

Samala'ulu Otila Fonoti Brown and Mrs Margaret Tagaloamamana Tulo Fonoti Brown

AFIOGA TUALA MAUOLA FONOTI BROWN MA SAMALA’ULU OTILA FONOTI BROWN 2008.

Afioga Tuala Mauola Fonoti Brown ma Samala'ulu Otila Fonoti Brown. 2008

AFIOGA FONOTI PAT REID, PONITA FONOTI BROWN, DOROTHY, AFIOGA SAILIVAO PETER FONOTI BROWN.

Afioga Fonoti Pat Reid, Ponita Fonoti Brown, Dorothy, Afioga Sailivao Peter Fonoti Brown.

FALESEFULUOTUALAMASALA JUDITH FONOTI BROWN

Falesefuluotualamasala Judith Fonoti Brown

AFIOGA TAGALOAMAMANA INU TULO FONOTI BROWN MA MARGARET HUNT TAGALOAMAMANA INU TULO BROWN: 2008

tulo11

AFIOGA TEOTEO ASIASI’AU TIATIA SAUSO’O FONOTI BROWN MA MRS ETEVISE ONE LIGO BROWN, KAMALITA, VERONICA, CHRISTIAN, EVALEILANI FONOTI BROWN.

Teoteo Asiasi'au Tiatia Sausoo Fonoti Brown and Mrs Etevise Strickland Fonoti Brown, Kamalita, Veronica, Christian, Evaleilani Fonoti Brown

HON FUIMAONO MOASOPE, HON POLATA’IVAO FOSI SCHMIDT, HON TOFA NAUER, HON TEOTEO ASIASI’AU TIATIA SAUSO’O FONOTI BROWN: IN THE 1970’s. PICTURED AT HON FONOTI BROWN’S RESIDENCE AT LALOVAEA.

Hon Fuimaono Mimio, Hon Polataivao Fosi Schmidt, Hon Tofa, Hon Tiatia Sausoo Fonoti Brown 1970's.

HON FONOTI MATA’UTIA IOANE BROWN OF LOTOFAGA ATUA: LEADER OF THE MAU FOR ATUA 1935 TO 1942: LEADER OF FONO OF FAIPULE 1939 TO 1947: FROM 1948 TO 1957 A MEMBER OF THE LEGISLATIVE ASSEMBLY, AND A MEMBER OF THE GOVERNMENT CONSTITUTIONAL CONVENTION COMMITTEE. THE FOUNDER AND LEADER OF THE SAMOA DEMOCRACTIC PARTY 1951/1953. – INFO

Hon Fonoti Mata'utia Ioane Brown Lotofaga Atua

HON TEOTEO ASIASI’AU TIATIA SAUSO’O FONOTI BROWN, LE ALO O HON FONOTI MATA’UTIA IOANE BROWN O LOTOFAGA ATUA.

Teoteo Asiasi'au Tiatia Sauso'o Fonoti Brown

AFIOGA TAGALOAMAMANA INU TULO FONOTI BROWN, LE ALO O HON FONOTI MATA’UTIA IOANE BROWN O LOTOFAGA ATUA.

TAGALOAMAMANA INU TULO FONOTI BROWN2

MRS LUISA FONOTI BROWN STANDING, MR. & MRS GUY POWLES WESTERN SAMOA HIGH COMMISSIONER AT FONOTI BROWN’S RESIDENCE AT LALOVAEA IN 1956.

Mrs Luisa Fonoti Brown and Mr and Mrs Guy Powles W. Samoa High Commissioner at Fonoti Ioane Browns Residence Lalovaea. 1956.

HON FONOTI MATA’UTIA IOANE BROWN AT A ROYAL FUNCTION

Hon Fonoti Mata'utia Ioane Brown

HON FONOTI MATA’UTIA IOANE BROWN OF LOTOFAGA ATUA: LEADER OF FONO OF FAIPULE 1939 TO 1947, THE PETITION FOR SELF-GOVERNMENT IN SAMOA HE PRESENTED DIRECTLY TO NZ PM HON MR. FRASER ON 20-26TH DEC. IN 1944, UNITED NATIONS APPROVAL ON 13TH DEC. 1946, A NEWLY SAMOAN FLAG WAS RAISED ON 1ST JUNE 1948. SAMOA’S FREEDOM!

Hon Fonoti Mata'utia Ioane Brown of Lotofaga Atua

STAND LEFT: HON TOFAEONO FA’AGI, HON TUALAULELEI MAURI, HON TU’UMATAVAI, HON AFAMASAGA KALAPU. SITTING LEFT: HON FONOTI MATA’UTIA IOANE BROWN, AND HON MR FRED BETHAM: GOVT TRIP TO NZ IN 1955 TO BRING OVER THE MACE THE SYMBOL OF BRITISH EMPEROR FOR THE GOVERNMENT HOUSE OF SAMOA.

Standing from left is Tofaeono, Tualaulelei Mauri, Tu’u and Afamasaga Kalapu. Infront sitting on left is J.B. Fonoti and the right is Mr.Fred Betham.

LEFT: HON TAFAEONO TAULIMA AND HON TEOTEO ASIASI’AU TIATIA SAUSO’O FONOTI BROWN, MP’s OF GOVERNMENT OF SAMOA EARLY 1970’s TO MID 1980’s.

Hon Tofaeono Taulima & Hon Teoteo Fonoti Brown

THE WESTERN SAMOA HIGH COMMISSIONER WITH THE FAUTUAS AND HON FONOTI MATA’UTIA IOANE BROWN

WESTERN SAMOA HIGH COMMISSIONER WITH THE FAUTUAS AND HON FONOTI MATA'UTIA IOANE BROWN.

MR. LUIS, HON LA’AULI POLATA’IVAO LEUATEA FOSI SCHMIDT, CHRISTIAN TEOTEO TIATIA FONOTI BROWN, HON TAUA KITIONA SEUALA, MR. AMIT PUJARA, HON LAFAITELE LEIATAUA, MR. TONY. THE GOVT. HOUSE OF ARGENTINA IN 2007.

Luis, Hon La'auli Polata'ivao Leuatea Schmidt, Christian Teoteo Fonoti Brown, Hon Taua Kitiona Seuala, Hon Lafaitele Leiataua, Mr Amit Pujara, Tony.

CHRISTIAN TEOTEO TIATIA FONOTI BROWN, HON LA’AULI POLATA’IVAO LEUATEA FOSI SCHMIDT, MR. AMIT PUJARA. MUMBAI INDIA: A WORLD TRIP WITH THE GOVT. OF SAMOA IN 2007.

Christian Teoteo Fonoti Brown, Hon La'auli Polata'ivao Leuatea Schmidt, Mr. Amit Pujara

TULAGA MAOTA O FONOTI I MULIFUSI MA TANUMALEU, PO’O LE MALAE O PAPA, OLE MALAE FO’I O TOFIGA A LE ULUA’I TUPU TAFA’IFA O SALAMASINA I AIGA E LUA, LE AIGA FA’ALAGILAGI AIGA SATUALA MA LE AIGA PA’IA O SALEVALASI I LOTOFAGA ATUA E TAUSI I PAPA MA AIGA, MA LATOU TOGA UA PA’IA OLE PULU MA LE LEULEU.INFO

Tulaga Maota o Fonoti i Mulifusi ma Tanumaleu ile Aiga Paia o Salevalasi Lotofaga Atua.

GATAI’ALA O VA’ASA MA VA’ALOA I MALA’E I MULIFUSI MA TANUMALEU, PO O LE MALAE O PAPA MA TOFIGA A LE ULUA’I TUPU TAFA’IFA O SALAMASINA I LE AIGA PA’IA O SALEVALASI I LOTOFAGA ATUA

Gataiala o Va'asa ma Va'aloa i Mulifusi ma Tanumaleu ile Aiga Paia o Salevalsi i Lotofaga Atua.

MAOTA O LEAEGALESOLO MA FUIAVAILIILI I MULIFUSI MA TANUMALEU, PO O LE MALAE O PAPA MA TOFIGA A LE ULUA’I TUPU TAFA’IFA O SALAMASINA I LE AIGA PA’IA O SALEVALASI I LOTOFAGA ATUA

Maota o Leaegalesolo ma Fuiavailiili i Mulifusi ma Tanumaleu ile Aiga Paia o Salevalasi i Lotofaga Atua.

AFIOGA FONOTI INU SAUFO’I BROWN O LOTOFAGA ATUA. OLE ALO O FONOTI MATA’UTIA IOANE BROWN NA SOSO’O ILE SUAFA FONOTI O LOTOFAGA ATUA 1975.

AFIOGA FONOTI INU SAUFO'I BROWN O LOTOFAGA ATUA 1975

AFIOGA FONOTI TUALA LE SA’OALI’I KAMILO BROWN O LOTOFAGA ATUA. O LE SA’OALI’I O SATUALA 1963, O LE ALO O FONOTI MATA’UTIA IOANE BROWN O LO’O NOFOIA LE SUAFA FONOTI O LOTOFAGA ATUA ILE TAIMI NEI 2003. (PICTURE: 2009)

AFIOGA FONOTI TUALA LE SA'OALII KAMILO BROWN.

Tupu Tafa’ifa o Salamasina ma Fonoti o lo’o lagomau i le Aiga Pa’ia o Sa-Levalasi i Mulifusi ma Tanumaleu, po’o le Malae o Papa i Lotofaga, Atua.

AIGA E LUA O SAMOA: Na fa’avae mai ile Tuia’ana Tamaalelagi ma lana falesefulu. Ole Aiga Pa’ia o Sa-Levalasi ma le Aiga Fa’alagilagi Le Aiga Sa-Tuala. O Aiga fa’avae ma le faitaulia a ia e lua o lo’o ta’oto ai gafa Tautupu ma gafa Tautamali’i o Samoa. Na mavae ai fo’i le ulua’i Tupu Tafa’ifa o Salamasina ia Tumua ma Aiga mai i lona fa’atafa i Lotofaga, o aiga ia e lua ole Aiga Pa’ia o Sa-Levalasi male Aiga Sa-Tuala e tausi i Papa ma Aiga, ma latou toga ua pa’ia ole Pulu ma le Leuleu.

OLE SA’O LE AIGA I LE TAIMI NEI: Ole tofa le Afioga o Fonoti Tuala Le Sa’oalii Kamilo Brown, o aiga e lua, le Aiga Pa’ia o Sa-Levalasi i Lotofaga Atua ma le Aiga Sa-Tuala ma Sala. (Le alo o Fonoti Mata’utia Ioane Brown o Lotofaga ole Aiga Pa’ia o  Salevalasi ma Luisa Ieremia LMS Manulesa FS Mata’utia Tuala ole Aiga Satuala).

USUGA A TUIA’ANA TAMALELAGI MAI USUGA E SEFULU, PO’O LANA FALESEFULU:
#1 Usuga muamua a Tuia’ana Tamalelagi ia Namoaitele le afafine o Folasaitu i Faleata fa’aee le gafa o Tuala (tama ulumatua: Ole Alii o Aiga, ma le fa’avae o le AIGA SA-TUALA le Aiga fa’alagilagi o Samoa)
#10 Usuga lona sefulu a Tuia’ana Tamalelagi ia Vaetoefaga le afafine o le Tui-Toga fa’aee le gafa o Salamasina (teine: Ulua’i Tupu Tafa’ifa of Samoa: O le AIGA PA’IA O SA-LEVALASI – tama fai a So’oaemalelagi Levalasi e uso o la tina ma Tuia’ana Tamalelagi).

MAVAEGA A LE TUPU O SALAMASINA I MULIFUSI MA TANUMALEU I LOTOFAGA ATUA:
Sa fa’atafa gasegase le Tupu o Salamasina i Lotofaga. Ua vaivai o le tupu, ua potopoto Tumua ma Aiga. Ona fai lea o mavaega a Salamasina ia Aiga ma Tumua. O Papa tu’u e tausi aiga e iai ua PA’IA O LE AIGA O SA-LEVALASI ma le AIGA SA-TUALA, ma latou toga ua Pa’ia ile igoa ole PULU ma le LEULEU, a fai e iai se tasi ua manuia i le finagalo a Leulumoega ma Lufilufi ona faao’oina lea o toga i Mulinu’u i le Maota o le Tuiatua i Lufilufi ma Nu’uausala i Leulumoega i le Maota o le Tuia’ana.

Salamasina na fanaua Fofoaivaoese, o lana fanau o Taufau ma Sina. Usuia Sina e Tito’iaivao, fa’aee le gafa o Faumuina Le Tupufia. Usu Faumuina Le Tupufia ia Manalelei po’o Talaleomalie, fa’aee le gafa o Fonoti le Tupu Tafa’ifa. Ua o’o ia Fonoti, ona faato’a taunu’u o le mavaega a Salamasina, au’a ua tofia Fonoti ia Leulumoega ma Lufilufi ma fa’aee i ai o Papa ia Fonoti; ona fa’aooina lea o le mavaega a Salamasina i Mulinu’u ma Nu’uausala Papa o le Tuia’ana, ma le Tuiatua lenei.

Usu #1 Fonoti le Tupu Tafa’ifa ia Fuatino le alo o To’alepaiali’i i Satapuala Aiga Satuala, fa’aee le gafa: o Muagututi’a (tama ulumatua ‘O le Alii o aiga’).
Usu #1 Muagututi’a ia Poto le alo Amituana’amanaia o Si’ufaitoto’a i Faleata, fa’aee le gafa: o Seutatia (teine ulumatua ‘Feagaiga ale Aiga’, o lo’o ala’ala ile Maota o Mulinu’u Lalogafu’afu’a ma Sepolata’emo i Lufilufi o Tumua Atua).
Usuia Seutatia o Mulinu’u i Lufilufi e Lilomaiava Nailevai’iliili o Palauli i Savai’i, fa’aee le gafa: o Nofoa-tolu Lilomaiava Vae-ole-nofoa-fia (tama: Ulua’i suafa ‘Nofoatolu’ na e’e ile Maota o Mulinu’u Lalogafu’afu’a ma Sepolata’emo i Lufilufi o Tumua Atua)
Usu Nofoatolu Lilomaiava Vaeolenofoafia ia Sinaivaiana le alo o Va’afusuaga o Faga i Savai’i, fa’aee le gafa: o Fonoti Nofoatolu Laufeti’iti’i (tama: Fonoti o Lotofaga Atua).
Usu Fonoti Nofoatolu Laufeti’iti’i o Mulinu’u i Lufilufi ia Va’asa le alo o Fiame Muagututi’a le Sa’ofaapito ma le Aiga Pa’ia o Salevalasi i Lotofaga Atua, fa’aee le gafa: o Fonoti Oliovaigafa (tama ulumatua ‘O le Alii o aiga’), Nofoatolu Ti’auliva’a (i), ma Lagouta (teine) – [Sa-Fonoti o Lotofaga Atua] Fonoti o Lotofaga Atua o suli tau toto male suafa o Fonoti le Tupu Tafa’ifa o Samoa.

O Va’asa o le alo o Fiame Muagututi’a, o le tasi ole to’afa o lo’o fa’alupe nei i Lotofaga o “Alo-tau-tino ole Sa’ofa’apito ua Fiame”. Ole to’afa lenei e filifili po’o ai so latou suli e nofoia le suafa Fiame, pe’a avanoa. Na usu Fiame Muagututi’a ia Masu le alo o Sitagata Timalesa o Lotofaga fotuai mai o Leaegalesolo (tama), Fuiava’iliili (tama), Va’asa (teine), ma Va’aloa (teine). O le Mavaega a Fiame Muagututi’a Le Sa’ofa’apito o le Aiga Pa’ia o Sa-Levalasi i Lotofaga Atua, E na’o i la’ua teine o Va’asa: Fonoti, ma Va’aloa: Fiame na tofia e alaala (Maota) i gatai’ala i Mala’e i Mulifusi ma Tanumaleu, po’o le Malae o Papa o le Aiga Pa’ia o Sa-Levalasi i Lotofaga Atua.

FONOTI MATA’UTIA IOANE BROWN O SALEVALASI MALE FALETUA LUISA O SATUALA:
Usu Hon Fonoti Mata’utia Ioane Brown o Lotofaga Atua-ole Aiga Pa’ia o Salevalasi ia Luisa le afafine o L.M.S. Pastor Rev. Ieremia Manulesa FS Mata’utia Tuala o Sataua, Lealatele, Leauva’a, Amoa i Savai’i ma Upolu-ole Aiga Satuala, fa’aee le gafa e to’a sefulu male lua le fanau: (1) Uatogitau Alosio Fonoti Brown (tama), (2) Fonoti Letaupe Ioane Jr Brown (tama: Fonoti Letaupe o Mata’tufu 1953), (3) Fonoti Inu Saufo’i Brown (tama: Fonoti o Lotofaga Atua 1975), (4) Hon Teoteo Asiasi’au Tiatia Sauso’o Fonoti Brown (tama: Faipule ole Malo 1973 -1984), (5) Fonoti Tuala Le Sa’oalii Kamilo Brown (tama: ole Sa’oalii o Satuala 1963, ma Fonoti o Lotofaga Atua 2003), (6) FalesefuluoTualamaSala Judith Fonoti Brown (teine), (7) Lili’i Sae Benedict Fonoti Brown (tama), (8) Lemalu Galusina Lalogafau Lui Paulo Asalemo Fonoti Brown (tama), (9) Sailivao Peter Fonoti Brown (tama), (10) Feiloa’ivao Paulo Fonoti Brown (tama), (11) Tagaloamamana Inu Tulo Fonoti Brown (tama), ma (12) Samala’ulu Otila Fonoti Brown (teine). – GAFA

FIAME LE SA’OFA’APITO MA LE AIGA PA’IA O SALEVALASI OLE MALAE O LOTOFAGA I ATUA

Na ta’oto le fa’atafa o le Tupu Tafa’ifa o Salamasina ile Malae o Mulifusi i Matafagatele, ua ta’ua nei ole Malae o Lotofaga i Atua i aso nei. Na to’ai le toma’aga a Manalelei Talaleomalie ia Tupuola Folopapa i Tanumaleu, ole Malae ua ta’ua o Lotofaga i Atua i aso nei. Ona o’o mai lea ile taimi o Fiame Muagututi’a o ia lea na fa’ato’a sa’ofa’apito ole Malae ua ta’ua nei o Lotofaga i Atua, le Maota o Fiame le Sa’ofa’apito Muagututi’a o Lotofaga Atua. Ole Malae ole fa’autugatagi.

O le ulua’i Fiame o Ufui’avaopupu i Tanumaleu po’o le Malae o Lotofaga i Atua lea ua ta’ua ai nei, na usu ia Levalasi le alo o Tapu o Letaupe i Mata’tufu, fotuai mai o alii nei o Tuiatua, ma le alii o Muagututi’a lea na soso’o ma lona tama ile nofoia ole Fiame. O Fiame Muagututi’a na si’í e Mata’tufu i lalo i Matafagatele, o le ala lea ua ali’i ta’i ai ia Fiame ma sa’ofa’apito iai e o’o mai ile taimi nei ile Malae o Lotofaga i Atua. O ulua’i sa’o sa ala’ala i Tanumaleu lea ua ta’ua nei ole Malae o Lotofaga i Atua, o Tupuola ma Seinafolava. O lo la fa’alagina e fa’apea: Afio mai e na ulua’i sa’o Tupuola ma Seinafolava, Afio mai le fale agafulu o Fiame, Afio mai le falevalu o Seinafolava, Afio mai fa’aulu’ulu Teoteo ma Tumanuvao, Afio mai le ali’i ole ao le tupe na tago’esea Amituana’i, Maliu mai ali’imau o faleupolu Fa’atili ma Lemauga, Susu mai Sitagata ma le va’á na taumualasi ma le aiga Sasitagata, mamalu mai le faleatua.

Christian Teoteo Tiatia Fonoti Brown
Sa-Fonoti o Lalovaea ma Lotofaga i Atua
ma le Aiga Pa’ia o Sa-Levalasi i Lotofaga Atua.

FONOTI MATA'UTIA IOANE BROWN OF LOTOFAGA ATUA CATTLE FARM AT HIS LAND CALLED: "OLIULA" AT LOTOFAGA ATUA